زانکۆی کۆمار بۆ زانست و تەکنەلۆجیا و نەخۆشخانەی ئاسیا یاداشتێکی لێکتێگەیشتنیان واژۆ کرد
زانکۆی کۆمار بۆ زانست و تەکنەلۆجیا یاداشتێکی لێکتێگەیشتنی لەگەڵ نەخۆشخانەی ئاسیا واژۆ کرد، کە سەرەتای هاوبەشییەکی بەرهەمدارە بۆ هەردوولا. لە میانی کۆبونەوەیاندا، پرۆفیسۆر دکتۆر کاوس عەزیز فەرەج جێگری سەرۆکی زانکۆ بەخێرهاتنی شاندێکی نەخۆشخانەی ئاسیا کرد بۆ تاوتوێکردنی بوارەکانی هاوکاری لە داهاتوودا.
ڕێککەوتنەکە بۆ پێشخستنی دەستپێشخەرییە هاوبەشە زانستی و ئەکادیمییەکان و کارئاسانی بۆ ڕاهێنانی ستاف و ڕەخساندنی هەلی ڕاهێنان بۆ فێرخوازانی زانکۆی کۆمار دامەزراوە. ئەم هاوبەشییە ئامانجی باشترکردنی ئەزموونە پەروەردەییەکانە لە هەمان کاتدا پەیوەندییەکانی نێوان زانکۆ و کەرتی چاودێری تەندروستی بەهێزتر دەکات.
