بەشی زانستی کۆمپیوتەر وۆرک شۆپێکی چڕی ئەنجامدا بۆ بەهێزکردنی تواناکانی پرۆگرامسازی فێرخوازان
لە ٢٠ی نیسانی ٢٠٢٥ بەشی زانستی کۆمپیوتەر وۆرک شۆپێکی بەهێزی سێ ڕۆژەی لەسەر چەمکەکانی پرۆگرامسازی دەستپێکرد، بە ئامانجی پڕچەک کردنی فێرخوازان بە کارامەییە پێویستەکانی بوارەکە.
وۆرک شۆپەکە لە ڕۆژی یەکشەممە ٢٠ی نیسانەوە تا چوارشەممە ٢٣ی نیسان بەردەوام بوو.
ڕاهێنانەکە تایبەت بوو بە فێرخوازانی بەشی زانستی کۆمپیوتەر و ئەندازیاری کۆمپیوتەر و لەلایەن دکتۆر کەریم عەباس داود مامۆستا لە زانکۆی کۆمار و لە بەشی زانستی کۆمپیوتەر سەرپەرشتی کرا.
لە میانی وۆرکشۆپەکاندا، فێرخوازان بە شێوازێکی چالاک و کارلێکارانە و ئەنجامدانی چالاکییەکانی تاقیگەی پراکتیکی و ڕاهێنانی هاوبەشی چارەسەرکردنی کێشەکان بەشداربوون.
ئەم وۆرک شۆپە بەشێکە لە هەوڵە بەردەوامەکانمان بۆ پڕکردنەوەی بۆشایی نێوان زانیاری ئەکادیمی و چاوەڕوانییەکانی پیشەسازی و بازاڕ.
بەشی زانستی کۆمپیوتەر دەیەوێت لە ڕێی ئەم جۆرە چالاکیانەوە متمانەیان بەخۆیان هەبێت لە بەکارهێنانی لۆجیک و تەکنیکەکانی بەرنامەسازی لە بارودۆخی جیهانی ڕاستەقینەدا.
خوێندکارانی بەشداربووی ڕاهێنانەکە دڵخۆش بوون بۆ ئەو دەرفەتە کە فەراهەم کرابوو بۆیان. لە ڕێی ئەم جۆرە چالاکیانەوە فێرخوازان کارامەییەکانی خۆیان بەهێزتر دەکەن و زیاتر ئامادە دەبن بۆ بازاڕی کار.
