فێرخوازانی زانکۆی کۆمار بەشداری یەکەمین کۆڕبەندی بازرگانی تورکیا و عێراقیان کرد
لە ٦ ی ئایاری ٢٠٢٥، بەڕێوەبەری سەنتەری پەرەپێدانی پیشەیی لە زانکۆی کۆمار لەگەڵ کۆمەڵێک فێرخوازی زانکۆکە بانگهێشت کران بۆ بەشداریکردن لە یەکەمین کۆڕبەندی بازرگانی تورکیا-عێراق. چالاکییەکە لە هۆتێل ڕۆتانا لە شاری سلێمانی بەڕێوەچوو. کۆمپانیاکانی سلێمانی و کۆمپانیا تورکییەکان لەوانەش ئاسریاد بەشدارییان لە چالاکییەکەدا کرد. خوێندکارانی زانکۆی کۆمار چالاکانە بەشدارییان لە دانیشتنەکانی ئەم کۆڕبەندەدا کرد و لە کۆتایی چالاکییەکەدا بڕوانامەی بەشداریکردنیان وەرگرت بەهۆی بەشداریی چالاکیان لە کاتی کۆربەندەکەدا.
