ڕاهێنانێکی مۆدێلی ئاماری پێشکەوتوو لە لایەن دکتۆر شۆخ موختار لە زانکۆی کۆمار بەڕێوەچوو

ڕۆژی ٧/١١/٢٠٢٤ بەشی شیکاری نەخۆشیەکان لە زانکۆی کۆمار ڕاهێنانێکی پێشکەوتووی لەسەر مۆدێلکردنی ئاماریStatistical Models  بۆ دکتۆر شۆخ موختار ڕێکخست. لە ڕاهێنانەکەدا بەڕێزیان تیشکیان خستە سەر تەکنیکە شیکارییە پێشکەوتووەکان کە پێویستن بۆ توێژینەوە و لێکدانەوەی داتاکان. بەشداربووان بە مۆدێلی ئاماری ئاڵۆزی جۆراوجۆر ئاشنا کران، لەوانە ANOVAو MANOVA شیکاری فرەگۆڕاوانەی جیاوازی، ANCOVA  (شیکاری هاودەگۆڕان)، و MANCOVA.

لە ڕاهێنانەکەدا تێکەڵەیەک لە تێڕوانینە تیۆریەکان و بەکارهێنانی پراکتیکی پێشکەش کرا و دکتۆر شۆخ چەمکەکانی پشت هەر مۆدێلێکی ڕوونکردەوە پێش ئەوەی ڕێنمایی ئامادەبووان بکات لە ڕێگەی شیکاری داتای ڕاستەقینە بە بەکارهێنانی SPSS. ئەم ڕێبازە دەستییە ڕێگەی بە بەشداربووان دا کە هەر تەکنیکێک بەکاربهێنن، داتای نمونەیی شی بکەنەوە و ئەنجامەکان لێکبدەنەوە، ئەمەش تێگەیشتنیان لەم شێوازە ئامارییە پێشکەوتووانە باشتر دەکات.