لە زانکۆی کۆمار سیمینارێک لەسەر تەکنیکەکانی نمونەگرتن (sampling) و حسابکردنی قەبارەی نمونەگرتن بە بەکارهێنانی G*Power بەڕێوەچوو

دکتۆر شۆخ موختار، مامۆستا لە بەشی زانستی تاقیگەی پزیشکی لە زانکۆی کۆمار بۆ زانست و تەکنەلۆجیا، سیمینارێکی پێشکەش کرد  بە ناوی “تەکنیکەکانی نمونەگرتن (sampling) و حسابکردنی قەبارەی نمونە بە بەکارهێنانی G*Power”. سیمینارەکە کە مامۆستایانی بەشە جیاوازەکان بەشدارییان تێدا کرد، هەردوو شێوازی نمونەگرتنی ئەگەری و نائەگەری و خاڵی لاوازیان و چۆنیەتی بڕیاردانی کاریگەر بۆ هەڵبژاردنی گونجاوترین تەکنیکەکانی نمونەگرتن گرتەوە.

هەروەها بەشداربووان ئەزموونی بەکارهێنانی سۆفتوێری  G*Power کرد و ئاشنا بوون بە چۆنێتی هەژمارکردنی قەبارەی نمونەی گونجاو بۆ لێکۆڵینەوەکانیان. ئەم سیمینارە چەند تەکنیکێکی بەنرخی پێشکەش بە ئامادەبوان کرد بۆ بەرزکردنەوەی شیکاری ئاماری، گرنگی نمونەگرتنی ورد لە توێژینەوەکاندا لە سەرانسەری بوارە جیاوازەکاندا.