بەشی زمانی ئینگلیزی سیمینارێک بۆ فێرخوازان ڕێکدەخات لەسەر سیستەمی زمانی ئاماژەی ئەمریکی و کوردی

ڕۆژی ٢٢ی نیسانی ٢٠٢٤، مامۆستا سیڤان فەوزی، مامۆستا لە بەشی زمان و ئەدەبی ئینگلیزی لە زانکۆی کۆمار بۆ زانست و تەکنەلۆجیا، سیمینارێکی بۆ فێرخوازانی بەشەکە سەبارەت بە سیستەمی زمانی ئاماژەی کوردی و ئەمریکی ڕێکخست. ئەم چالاکییە لە چوارچێوەی وانەی “سەرەتایەک بۆ زمان” ڕێکخرا. سیمینارەکە لەلایەن خاتوو هانا هووتەوە پێشکەشکرا بەناونیشانی ‘چیرۆکی چاوەڕوان نەکراوی کچێکی ئەمریکی لەگەڵ کۆمەڵگەی نابیستانی کوردستان’.

لە میانەی سیمینارەکەدا خاتوو هانا باسی لە چیرۆکی خۆی و ئەو پاڵنەرانە کرد کە وای لێکردووە خۆی فێری زمانی ئاماژە بکات و  پەیوەندی لەگەڵ کۆمەڵگەی نابیستان دروست بکات لە کوردستان. هەروەها سەرنجی خستە سەر ئەو جیاوازییانەی کە لە نێوان سیستەمی جیاوازی زمانی ئاماژەدا هەن لە جیهاندا. سیمینارەکە هانی خوێندکارانی دا کە فێری زمانی ئاماژە بن وەک زمانێکی تر لە پاڵ ئەو زمانانەی کە دەیزانن. سروشتی سیمینارەکە بە درێژایی کاتەکە کارلێککارانە بوو و فێرخوازان پرسیاریان دەکرد و بەشدارییان لە گفتوگۆی پڕمانادا کرد.