فێرخوازانی زانکۆی کۆمار پلەی سێهەمیان لەسەر ئاستی زانکۆکانی هەرێمی کوردستان بە دەستهێنا لە پێشبڕکێی پرۆگرامینگی زانکۆی ئەمریکی لە دهۆک
فێرخوازانی بەشی زانستی کۆمپیوتەر و ئەندازیاری کۆمپیوتەر لە زانکۆی کۆمار بۆ زانست و تەکنەلۆجیا بەشداریان کرد لە پێشبڕکێیەکی پرۆگرامینگ لە زانکۆی ئەمریکی لە دهۆک. لە پێشبرکێیەکەدا، توانیان پلەی سێیەم لەسەر ئاستی زانکۆکانی هەرێمی کوردستان بەدەست بهێنن. ئەم پێشبڕکێیە بە بەشداری دەیان فێرخوازی زانکۆکانی هەرێمی کوردستان بەڕێوە چوو کە تێیدا ژمارەیەکی زۆر لە فێرخوازانی شارەزا لە بواری کۆنپیوتەر بەشداریان تێدا کردبوو لە سەرانسەری کوردستانەوە. سەرباری سروشتی پێشبرکێ ئامێزی ئەم بۆنەیە، تیمی فێرخوازانی زانکۆی کۆمار بە کێبڕکێ لەگەڵ فێرخوازە بەهرەمەندەکانی زانکۆکانی دیکە توانیان پلەیەکی باش بە دەست بهێنن. ئەم ئەنجامەش ڕەنگدانەوەی هەوڵی زانکۆیە بۆ پەروەردەکردنی فێرخوازانی لەسەر بنەمای داهێنان و چارەسەرکردنی کێشە و لێهاتوویی تەکنیکی و هەروەها پابەند بوونی زانکۆی کۆمار بە باشتر کردنی بواری زانست و تەکنەلۆجیا لە هەرێمدا.
