زانکۆی کۆمار بۆ زانست و تەکنەلۆجیا دەستپێشخەرییەکی پێشەنگ دەکات لە ڕۆژی جیهانی شێرپەنجەدا

بۆ ڕێزگرتن لە ڕۆژی جیهانی شێرپەنجە لە ٤ی شوبات، زانکۆی کۆمار بۆ زانست و تەکنەلۆجیا، بە هاوکاری کۆمەڵەی کوردستان بۆ پاڵپشتی نەخۆشانی شێرپەنجە، و بە سەرپەرشتی ڕێکخراوی نێودەوڵەتی کۆنتڕۆڵکردنی شێرپەنجە (UICC) دەستپێشخەرییەکی ئەنجامدا، کە تێیدا بۆ یەکەم جار چاڵێنجی  ماراسۆنی ٥٠٠٠ مەتری لە پارکی ئازادی لە شاری سلێمانی بەڕێوەچوو. ئەم دەستپێشخەرییە بە سەرپەرشتی دکتۆر نەشمیل عەبدوڵڵا، مامۆستا لە بەشی دەرمانسازی بەڕێوەچوو.

لەم چالاکییەدا، زیاتر لە ١٥٠ کەس لە باگراوەندی جیاوازی  کۆمەڵایەتی، و تەمەنی جیاواز چالاکانە بەشدارییان کرد. ئەم چالاکییە نیشاندەری پابەندبوونە بە هۆشیاری سەبارەت بە نەخۆشی شێرپەنجە هەروەها جەختی لەسەر گرنگی ڕێوشوێنی چالاکانە کردەوە لە بەرەنگاربوونەوەی ئەم نەخۆشییە بەربڵاوەدا. ئەم هەوڵە نموونەی هێزی پەروەردە و بەشداریکردنی کۆمەڵگایە لە دروستکردنی گۆڕانکاری ئەرێنی لەسەر ئاستێکی فراوانتر.

بەشداریکردن لە ماراسۆنەکەدا لە ڕۆژی جیهانی شێرپەنجەدا گرنگییەکی بەرچاوی هەبوو چونکە وەک ڕێگەیەکی بەهێز دەردەکەوت بۆ هۆشیارکردنەوەی خەڵک و پەرەپێدانی شێوازێکی ژیانی تەندروست و پشتگیریکردنی دەستپێشخەریی لەم جۆرە.

جگە لەوەش ئەو داهاتەی لە چالێنجەکەدا بەدەست هاتبوو بۆ سەنتەری شێرپەنجەی ژیانەوە تەرخانکرا. بە ڕێکخستن و بەشداریکردن لە چالێنجێەکەدا لە ڕۆژی جیهانی شێرپەنجەدا، بەشداربوان چالاکانە بەشدارییان لە بەرەنگاربوونەوەی جیهانی دژی شێرپەنجە کرد، ئەمەش نیشانیدا کە هەنگاوی بچووکی بەکۆمەڵ کاریگەری ئەرێنی بەرچاویان لەسەر تەندروستی و خۆشگوزەرانی گشتی لێدەکەوێتەوە.

بەشداریکردنی زانکۆی کۆمار بۆ زانست و تەکنەلۆجیا لەم دەستپێشخەرییە لە ڕۆژی جیهانی شێرپەنجەدا نموونەی پابەندبوونی بەردەوامی زانکۆکەیە بە تێکەڵبوونی لەگەڵ کۆمەڵگا و گرنگیدان بە تەندروستی گشتی. ئەم دەستپێشخەرییە تیشک دەخاتە سەر لێبڕاوی زانکۆکە بۆ تێپەڕاندنی سنوورە پەروەردەییە نەریتییەکان و بەشداری چالاکانە لە خۆشگوزەرانی کۆمەڵایەتی و هۆشیاری سەبارەت بە پرسە جیهانییە گرنگەکانی وەک شێرپەنجە.