فێرخوازانی پەیمانگای پەرەپێدانی پیشەیی زانکۆی کۆمار لەگەڵ مامۆستاکانیان چالاکیەکیان ئەنجام دا
لە ١٥ی تشرینی دووەمی ٢٠٢٢ فێرخوازانی پەیمانگای پەرەپێدانی پیشەیی زانکۆی کۆمار – کۆرسی فێربوونی زمانی ئینگلیزی چالاکییەکیان ئەنجامدا. لە میانی چالاکییەکەدا خوێندکاران پڕۆژەکانیان نمایشکرد کە بە هاوکاری لەگەڵ مامۆستاکانیان ئامادەکرابوون. ئەم بۆنەیە چەندین چالاکیی و پڕۆژەی جۆراوجۆری بوارە جیاوازەکانی لەخۆگرتبوو. چالاکییەکان بریتی بوون لە گەلەریەک، پڕۆژەی بواری تەکنەلۆجیای زانیاری و یاری ئەلیکترۆنی، گۆرانی وتن و کاری دەستی و چەند چالاکیەکی تر. ئەم چالاکییە بە ئامادەبوونی خوێندکاران و مامۆستایانی بەشە جیاوازەکانی زانکۆی کۆمار بۆ زانست و تەکنەلۆجیا بەڕێوەچوو.
