زانکۆی کۆمار و کەمئەندامانی یانەی ڕۆژ یارییەکی دۆستانەیان ئەمجامدا
ڕۆژی پێنجشەممە، ٢٤ی تشرینی دووەمی ٢٠٢٢ یانەی فێرخوازانی زانکۆی کۆمار یارییەکی تۆپی پێی دۆستانەیان لە نێوان تیپی زانکۆی کۆمار و کەمئەندامانی یانەی ڕۆژ ڕێکخست. یارییەکە لە کەمپی زانکۆی کۆمار بەڕێوەچوو کە تێیدا هاندەرانی هەردوو یانە لە دەوری یاریگاکە کۆبوبونەوە و بە جۆش و خرۆشەوە هانی تیپەکانیان دەدا. تیمی زانکۆی کۆمار پێکهاتبوو لە ژمارەیەک لە فێرخوازان و ئەندامانی ستاف و مامۆستایان. دوای یاریەکی خۆش و پڕ کێبڕکێ، یانەی تۆپی پێی ڕۆژ توانی بە ئەنجامی 5-3 سەرکەوتن بەدەستبهێنێت بەرامبەر تیپی زانکۆی کۆمار. دوای تەواو بوونی یارییەکە، خەڵات دابەشکرا بەسەر یاریزانانی هەردوو تیم.
