زانكۆی کۆمار بۆ زانست و تەكنەلۆجیا کامپەینی هێڤیلانەی دەستپێکرد
لە ١٣ی تشرینی یەکەمی ٢٠٢٢ بەشی دەرمانسازی زانکۆی کۆمار هەڵمەتێکی هۆشیاری شێرپەنجەی مەمکی بەناوی هێڤیلانە دەستپێکرد. ئەم کەمپەینە لەلایەن د. نەشمیل ئەبدوڵا بڕیاردەری بەشی پزیشکیی دەرمانسازی لەگەڵ ١١ خوێندکاری زانکۆی کۆمار بۆ زانست و تەکنەلۆجیا ڕێکخرا. هێڤیلانە بەرهەمێکی کاری دەستە و لە لایەن زانکۆی کۆمار بۆ زانست و تەکنەلۆجیا و منداڵپارێزی کوردستانەوە سپۆنسەر کراوە. ئەم بەرهەمە بریتییە لە مەدالیایەکی کلیل کە پێکهاتووە لە چەند گۆیەکی شوشەی قەبارە جیاواز کە قەبارە جیاوازەکانی گرێی شێرپەنجەی مەمک دەردەخات. ئامانجی ئەم کەمپەینە بڵاوکردنەوەی هۆشیارییە لەسەر ئەم حاڵەتە و هەروەها هاندانی ژنانە، بە تایبەتی، بۆ ئەنجامدانی مەمۆگرافی بەردەوام بۆ دیاریکردنی ئەم گرێ شێرپەنجەییانە لە قۆناغەکانی سەرەتاییدا.
