ئەنجومەنی فێرخوازانی زانکۆی کۆمار پاڵەوانێتی فیفا ٢٢ی ڕێکخست
کات بەسەربردن بەشێکی گرنگە لە ژیانی زانکۆیی خوێندکارانی زانکۆی کۆمار. ئەنجومەنی فێرخوازان ڕۆڵێکی گرنگ دەگێڕێت لە ڕێکخستنی چالاکی جۆراو جۆر لە ناو کەمپی زانکۆ تا ئەزموونیێکی جیاواز بە خوێندکار ببەخشێت. ڕۆژی ٢٧ی ئابی ٢٠٢٢ لە چوارچێوەی کارەکانیاندا ئەنجومەنی فێرخوازانی زانکۆی کۆمار بۆ زانست و تەکنەلۆجیا پاڵەوانێتییەکی فیفا ٢٢یان بۆ خوێندکارانی زانکۆکە ڕێکخست. لە پاڵەوانێتییەدا زیاد لە ٩٠ خوێندکار بەشدارییان کرد و چالاکییەکە بە دوو قۆناغ بەڕێوەچوو؛ قۆناغی knockout و قۆناغێکی ٦٤. ڕکابەرەکان بە هاوکاری بەرنامەیەکی کۆمپیوتەر بە شێوەیەکی هەڕەمەکی هەڵبژێردران. لە کۆتایی پاڵەوانێتییەکەدا ٨ براوە مانەوە و بە ئۆفەر و دیاریی جیاواز خەڵات کران. خەڵاتەکان بریتی بوون لە دەسکی PS5 و ژەمی بەرگری بێبەرامبەر و کارتی ١٠$ی PSN. براوەی یەکەم بە ئێکس بۆکسێکی زنجیرەی ئێکس خەڵات کرا.
