زانکۆی کۆمار وۆرک شۆپێکی تایبەت بە AI و داهاتووی گەنجانی پێشکەش کرد
ڕۆژی چوارشەممە ٢٦ی تشرینی دووەم، بەشی زانستی کۆمپیوتەر لە زانکۆی کۆمار بۆ زانست و تەکنەلۆجیا وۆرک شۆپێکی لە ژێر ناوی AI و داهاتووی گەنج: گەڕان و وتو وێژ کردن لەگەڵ AI ڕێکخست. ئەم چالاکییە هەریەک لە مامۆستایان و توێژەران و فێرخوازانی بۆ گفتوگۆیەکی ئەکادیمی کۆکردەوە لەسەر ئەوەی کە چۆن زیرەکی دەستکرد خەریکە داهێنان و فێربوون پێناسە دەکاتەوە.
ئامانجی وۆرک شۆپەکە باشترکردنی تێگەیشتن بوو لەوەی کە چۆن ئامرازەکانی ژیری دەستکرد دەتوانن پشتگیری لە پەروەردە بکەن و ئیلهامبەخش بن بۆ بیرکردنەوەی داهێنەرانە، و نەوەکانی داهاتوو ئامادە بکەن بۆ بەکارهێنانی تەکنەلۆجیا بە شێوەیەکی بەرپرسیارانە و کاریگەر. بەشداربووان لە ڕێگەی زنجیرەیەک دانیشتن بە سەرپەرشتی چەند پسپۆڕێکی بوارەکە پەیوەندییە پەرەسەندووەکانی نێوان زیرەکی مرۆڤ و زیرەکی دەستکردیان گەنگەشە کرد.
پرۆگرامەکە سێ وتاری تایبەتی تێدا پێشکەش کرا کە تێیدا باس لە کارلێکی ژیری دەستکرد و کاریگەری پەروەردەیی و تێکەڵبوونی بەرپرسیارانە لە ژینگە ئەکادیمییەکان کرا. لە نێوان دانیشتنەکاندا، دوو نمایش کرا کە تیشکیان خستە سەر بەرنامەکانی جیهانی ڕاستەقینەی ژیری دەستکرد. لە یەکەم نمایشدا چەند پرۆژەیەکی داهێنەرانە لەلایەن فێرخوازانی پۆلی شەشەمی قوتابخانەی نێودەوڵەتی بەریتانی – سلێمانیەوە پێشکەشکرا، کە نیشانی دا کە چۆن فێرخوازانی گەنج دەتوانن AI وەک ئامرازێک بۆ خەیاڵ و دەربڕین بەکاربهێنن. دووەمیان ئەنیمەیشنێکی بەهێزی AI نمایشکرا کە لەلایەن فێرخوازانی زانستی کۆمپیوتەر و ئەندازیاری کۆمپیوتەرەوە دروستکرابوو، کە توانای پراکتیکی و کات بەسەربردنی تەکنەلۆجیای ژیری دەستکردی نیشان دەدا.
ئەم وۆرک شۆپە ڕەنگدانەوەی پابەندبوونی بەردەوامی زانکۆی کۆمارە بۆ پێشخستنی خوێندەواری بواری ژیری دەستکرد و هاندانی بەکارهێنانی داهێنەرانە و بەهێزکردنی پەیوەندی نێوان فێربوونی ئەکادیمی و بەکارهێنانی جیهانی ڕاستەقینە.
